..حكاية حرف ؟؟

السلام عليكم ورحمه الله وبركاته


صباح يسبق المساء .... والمساء يُسآبق الصباح ...

:
:

إيش أحكي لكم ...

عن شخصيتي ... أو ابتدي بحياتي .. دراستي .. أو مافي قلبي .. !!!

مادري .. احس اني لو سردت هذي الأشياء بنقاط بحس حالي كاتبه
c.v
واني بكره راح أقدم على وظائف

:
:

راح أحكي حكاية حروف يومياتي ... و هذه الصفحات هنا راح تُعرف شخصيتي





الساعه ( 10:12 صباحاً )
هاللحظه كنت في الحلم السابع وغاطسه في النوم
بس صحيت على صوت حسيته كانه في كوكب المريخ ويعطي أوامر لحد واقفه في كوكب زُحل

ماما : شوفي سوي كلين كويس .. تنظيف غود .. فاهمه .. ماي بنت أنا في سافر وبيجي لازم يشوف روم نظيف أوكي
أمي كانت تكلم الشغاله ... وهالبنت توها جايه وماتعرف عربي وبس تتكلم أنغليزي فــ امي يزعم تبي تعلمها عربي .. فلما تكلمها أحس أنها طلعت قاموس جديد من اللغه الهوستريكيه <<< لغه غير موجوده في العالم


لما اختفى الصوت قلت يابنت نامي لسا في وقت .. امس مانمت الا متأخر
فجئه يطلع صوت جنب غُرفتي

أخوي : تعااااااالي تعاااالي سوي حالك دكتوره وانا المريض
اختي :هااااا ايش تبي
أخوي : تعالي شوووفي نبضات عيني
أختي : شكووو
أخوي : والله العظيم شوفي عيني يطلع فيها صوت ههههههه

أصبحنا و أصبح المُلك لله .. لما شفت الأزعاج قايم من الصبح .. جلست وحاولت اني اصحصح وقمت .. اول مافتحت الباب ..
شفتهم جالسين يلعبون بالاغراض ويهذرون ويضحكون

ضحكاتهم كان ترن في البيت وتحطي الزوايه الا هم جالسين فيها صدى
وطبعا هم يضحكون دقيقه والدقيقه الا وراها يتهاوشون كـ العاده

لحظتها تسندت على الباب وابتسمت
ولما شافو ابتسامتي على طول أثنين يسألوني أسئله ورى بعض
أختي : ( تناديني بأسمي ) تعرفي الاستشوار هذاك البنفسجي
اخوي : سمعي سمعي تعرفي الابتوب اللي علامته مثل علامة موبايلي
أختي : اقولك خيتي نبي الاستشوار اللي يكوي الشعر .. زي اللي شفناه في الصالون .. الصراحه عجبني .. احسه احسن من اللي عندنا
أخوي :برايك الابتوب هذا زين .. يعني تهقين مثل لابتوب سوني وتوشيبا
اختي : هااا وش رايك ؟؟

أثنين يتكلمون عن أشياء أنا ما فهمتها الصراحه .. واللي يفهمها يفهمني !!!
طبعا لحظتها
قلت : مادري .. ماعرف ... بروح اغسل وأرجع لكم




:
:

الساعه ( 2:30 ظهراً )
أهلى يبون يروحون البحر .. والصراحه مره استانست
وخاصه أن بنروح ونشوي
تحمست على الروحه ... وانا من زمان مارحت بحر
كلمت بنت خالتي .. وقلت لها عن الروحه
بنت خالتي : والله خاطري اروح وخاطري في مشوي يابنت الخاله ...
أنا : ليه تتحسرين طيب ... يالله جهزي عمرك وأقنعي الوالد وخليني نروح
بنت خالتي : تهقين يرضون .. طالع الساعه كم
انا :ويعني يابنت .. جربي وحاولي ورسليلي مسج

ربع ساعه الا وراسله لي مسج تقول .. [ عااااشو الربع .. خالص بنروح وي بعض وبنسير على بيش جامعة البترول ]

على طول من قريت المسج ركضت وخبرت ابوي و وافق وقال لازم نمشي قبل الصلاه ..

:
:

الساعه ( 5:00 عصراً )
كلنا كنا عند السياره نجهز ونركب الأغراض .. وانطلقنا إلى بيش جامعة البترول
بس ماوصلنا الا الساعه 6 وربع ... مره تاخرنا عشان الطريق كان طويل وبعض الطرق مسكره
وهذا الوقت اللي تو وصلنا فيه



أول ماوصلنا صلينا ..وبعدها قمت مفجوعه للاكل .. طلعت برينجلز الا المفجوع هالولد الصغنطوط الله يحفظه عجبه طول العلبه .. جلس يصيح الا يبغيه وعطيت اياه



استنينا اشوي الا المشاوي وصلت لينااا




الحمد لله استانستا وسولفنا كثير على البحر
اممممم احس سوالفي ماتخلص
ومابي اخلي حكاية يومياتي مُمله







كل كلمه مجهوله قلتها في رد سابق

راح أذكرها بِكل وضوع في اللاحق

:
:

[ الصــــديقــــه العزيزه ]

التي دفعتني إلى هنا

هي



نسمات حالمه أشكرك من أعماق قلبي

أنتي أنسانه رائعه من قبل لا تدليني على هنا

من بعد مادليتيني وجربت وشفت ... فرحت كثير

وماقلت كلمه رائعه الا لأنك رائعه في رسم الأبتسامه على الوجهه

أنبسطت بالتقيمات

ماتوقعت التقيمات تجيني كذا

يعني توقعت انثين .. بالكثير ثلاثه

أنا مره مبسوطه

وخاصه من مراقبات مجلس اليوميات

كنت دايم ابي اشكرهم على جهودهم الطبيه

وابي اقول لهم أنتم رائعات

بس ياترى صوتي بيوصل لهم ؟؟!!!

الكثير أكيد قال لهم أنهم رائعات ومن حولهم يشهد بذالك

أنا من الشرق ؟!!!

وأرض الشرق تشهد بأبداعهم



سمو الأمل , دُرهـ , قلب دبي ,من أجل غد

أنتن رائعات




[ التقيمات ]



هلا والله بــ صاحبة الرد المُميز
ايش التميز الواضح عليك انتي بالذات ؟؟؟
ياشيخه تقييم عجبني .. هو الحركات هذي بس حقت مراقبات اليوميات
<<< هذي فيها تفرقه
حبيبتي والله مراقبتنا ...
تصدقين اكثر من شهر وانا أتردد على القسم .. بس التردد يزورني في النهار واقدمه قهوه وحلا فعشان كذا ابطل
بس هالمره تشجعت وكتبت وحطيت بكل شجاعه اعتبر
وتخمينك يابنت في محله
هو مراقبات مجلس اليوميات يعرفون كل شي .. حتى التخمينات هذي
والله انكم خطيرات ههههه

الله يحفظك
أسعدتيني بردك والله
أنتي هنا صرتي

ياهلا ومرحبا فيك
ياعمري عيوش .. منور المجلس فيك وفي خواتي العضوات
بأذن واحد أحد راح احط يومياتي وراح اكون منتظره متابعتك معي

الله يسعدك مثل ماسعدتيني بتوجدك
انتي هُنا

يالله ومرحبا بنور التقييم .. الله يبارك فيك يالطيبه
وصلي الشكر لصاحبتنا

الله يعطيك الصحه والعافيه

أنتي من زمان هنا

يهلا ومرحبا
هههههه منور المكان بالغآلين
ههههههههه ايوه خلاص استدليت الستار وصرت هناك معاكم
ادعميني يمه ... والله اليوم وانا اكتب اليوميه احس اني كاتبه تقرير للجامعه وبوديه
وبيني وبينك بس لا تقولين للمراقبات ولا حد يسمع
تعبت اليوم وانا اكتب



الله يسعدك ياختي
ردك فرحني كثير
أنتي صرتي هنا

وعليكم السلام والرحمه ... يامرحبا بك يالطيبه
التوفيق من رب العالمين ثم من قوانينكم اللي تشجعني اني احط هنا

الله يحفظك أن شاء الله
أنت هنا بكل أحترامك

هلا والله بالغاليه قلبي
المجلس نوره قلب دبي
أن شاء الله اكون عند حسن ضنكم

الله يوفقك أن شاء الله
أنتي هنا من زمان

ياااعمري والله ... انا اللي فرحانه فيك من زمان
وان شاء الله حظل معاكم هنا على طول عشان طيبة قلبك والله انتي بس


الله يسعدك ويوفقك بدراستك
وانا مره احبك

نسوووومتي من زمان ابي اجي لردك يافيلي المنفوخي
هههههههههه ابدا ابدا .. انا من زمان انتظرك .. بس انا عارفه انك مشغوله بالشركات اللي خبري خبرك فيها .. فقلت افاجئك شويه
هههه المشكله انك تعرفي كثير من حكاياتي .. بس هنا اكيدزياده
الله يبارك ربي فيك ويسعدك ويكبرك ياربي بأأأ
وبعدين الرد الاخيرا بلاش اطالع فيه ههههه

نسومه ... يحتاج اقول انتي هنا

انتي واثقه من زمان في هالمكان


:
:


الله يعطيكم الصحه والعافيه وماقصرتو على تقيماتكم

والحين انا مره تعبت وخاصه اني كتبت وانمسح ورجعت وحلفت ما انام الا وانا حاطه الرد

والحين محتاجه إلى راحه


.. دموع الرحيل ..